مين يوصف مين

موضوع: مين يوصف مين الأحد أكتوبر 18, 2009 1:23 pm

طبعا اصعب حاجه اننا نتكلم مع بعض واحنا مش قادرين نتخيل شكل بعض
فى مننا من يعرف البعض
مثل همس وسندريلا** وأبا عبيدةوالبشمهندس محمد صبحى **نور الليل وعاشق نور
وبمناسبه انى اعرف ميمو معرفه شخصيه لاننا اصدقاء منذ فترة طويله
اسمحوا لى هقول نبذه مطوله عنها
عن شخصيتها وشكلها وازاى عرفتها

انا عرفت ميمو قبل ما اتعرف عليهالان كان فى واحده صحبتى معاها فى الفصل فى الثانويه العامه
وكانت دائما بتحكى عليها واد ايه رزله وغلسه واد ايه هى مضايقه منهاوعاوزة تقدم فيها شكوى
لانها بتهزر كتير فى الحصه ومع المدرسين
وحبيت اشوف مين دى ولما شفتها محبتهاش ومكنتش بستظرفها
وكنت كل ما اخش الفصل بتاعهم علشان اشوف صحبتى
الاقى ميمو قاعدة فوق البنج اللى بنكتب عليه وعماله تشرح للعيال فى الفصل
ومرة تهزر ودائما متنقله فى الفصلوكنت كل ما اشوفها بكون مش عاوزة اشوفها
أول تعارف مباشر مع ميمو كنا فى المركز علشان درس الفيزياء وكانت تانى حصه لنا
ولكن كانت الحصه الاولى لميمو اول ما شفتها قلت لنفسى ايه اللى جاب دى هنا واضايقت جدا انها هاتخد
معانا الدرس وكنت قاعده انا واصحابى وفى واحده منهم كانت قاعده جنبى وبتقولى وبعدين احنا عمالين نكتر كده ليه
احنا عاوزين نكون حبه قليلون قلت لها لا والبت دى ارزل من الرزاله نفسها وانا مش طايقها
وكانت ميمو قاعده فى البنج اللى ورانا لوحدها وقلت فى بالى اننا لازم نطفش البت دى
لقيت ميمو بتسألنى انا وصحبتى عن الحصه اللى فاتت واخدنا فيها ايه وكنا بنرد عليه من غير نفس
وفجأه لقينا ميمو جت جنبنا وانا كنت قرفانه منها قرف
وقعدت تتكلم وتسألنا وكانت عاوزة تشوف الملزمه بتاعه الفيزياء
ولما جينا الحصه اللى بعدها جت الست ميمو وقاعدة جنبنا وفضلت تتكلم
أ حلى حاجه
فى ميمو انها ما بتحسش ان اللى قدمها مش عاوز يتكلم معاها
فى الحصه اللى بعدها احنا اللى سيبنا الدرس ومشينا ورحنا لاستاذ تانى
لا المفاجأة اللى مقدرتش اهرب منها اننا فى اول يوم فى الدراسه انى الاقى ميمو معايا فى الفصل
كأنها قدرى كل ما اروح حته الاقيها فى وشى وكمان لاقتها معايا فى درس الرياضه بس سبته بعد اول حصهِ
ورجعنا تانى لمدرس الفيزياء مع ميمو ومن هنا بدأت علاقتى بميمو وعرفت انها غير وصف صحبتى لها
وكده انا حكيت ازاى عرفت ميمو
شويه مواقف مع ميمو
ميمو بتحب تغنى جدا كانت دائما تيجى عندى انا وصحبتى وتقعد تغنى ونقولها حرام عليكى كفايه مش عاوزين نسمع حاجه منك برضه تغنى وكأنها مش سامعه اى حاجه وكانت تقول لو انتوا فضلتوا تقولوا كفايه انا هغنى اكتر انما لو سكتوا انا هسكت وكانت يوميا تيجى وتغنى ومرة غنت اغنيه محدش فهم منها حاجه علشان هى فى منتهى الذكاء
راحت كتبت الاغنيه على السبوره علشان نفهم هى بتقول ايه
ودائما تسالنى سؤال واحد لو هى وقعت فى الشارع هعمل ايه معاها
ودائما ارد عليها بمنتهى الهدوء والبرود *طبعا هسيبك وهمشى*
وكانت الست ميمو لما بتحب ما تفهمش اى حصه كانت تقلع النظاره
مرة كان فى المدرسه طلبه التدريب وكان فى واحد رخم بيحب يثبت نفسه علينا راحت ميمو قلعت النظارة علشان ما تفهمش هو بيقول ايه
ميمو ممكن تعيط لو حد قعد جانبها ويفضل يهز فى رجليه ودائما بتحذرنا من النقطه دى
ومرة كانت فى بنت ضخمه معانا فى الفصل قاعدت جانبها وفضلت تهز فى رجليها وفشلت ميمو انها توقفها
لاقينا ميمو عامله تعيط
[size=12]اننا كنا فى المدرسه بعد ما سيبت درس الفيزياء
روحت سالتها وقولت لها انتوا وصلتوا لغايه فين فى درس الفيزياء
قالت لى مش فاكرة كويس ساعتها بصيت لها حته بصه كنت عاوزة اموتها
عصرت على قلبى ليمونه ورحت لصاحبتى
قالت لى طب اقولى لها عاوزين نشوف ملزمه الفيزياء
وطلبت منها وقولت لها ممكن نشوف ملزمه الفيزياء
راحت قالت لى عندك فى الشنطه خديها وسابتنى ومشيت
قلت فى بالى ايه البت قليله الذوق دى انا بكلمها تسيبنى وتمشى
وهى هبله ازاى افتح الشنطه بتاعتها واخد الملزمه
فهى عمرها ما اعطت خيانه لحد خالص
بتتعامل بعفويه وعلى طبيعتها

ميمو دائما بتجى عندى وعندى ابن اخويا محمود بيحبها حب دائما بيتخانق معاها ودائما بتكون عاوزة تبوسه بس هو بيرفض علشان هو ولد مؤدب
اصلها بينى وبينكم حطه عينها عليه
ودائما كل ما اتصل بها فى تعقد تتخانق مع اخوها مصطفى وتسمعوا كل ما لذ وطاب
لدرجه انى حاسه ان مامتها جابت مصطفى مخصوص علشان ميمو
ودائما متطفله على اخوها ابراهيم عاوزة تعرف هو راح فين ومع مين وليه وعاوزة تعرف عنه كل حاجه
طبعا مش كلكم شفتوا ميمو
انا هحاول اوصفها وصف دقيق
هى بنوته صغنونه لونها قمحى
طولها 120سم وزنها 90 كيلو لما تشفوها تحسوا انكم شفتوا
ثلاجه 8 قدم بتتحرك بصعوبه بالغه ولما تيجى تمشى فى الشقه بيحصل زلزال فى البيت
وسنانها مسوسه من كتر اكل الملبس اصلها بتحب الملبس جدا
دائما تذاكر والملبس جانبها ولازم يكون معاها فى الامتحانات
ارجو انى اكون موفقه فى وصفى لها وياريت يا جماعه اللى شافوا ميمو قبل كده ميعلقش
على شكلها لانها هتزعل جدا (وانا مكنش كادبه)

يا لا يا جماعه مين هيوصف مين

[/size]

أقولك أيه واعدلك ايه وانتى فضحانى
ليه يا مريم ده انا حلوة وطعمه

ولعلمك حتة ان الواحد ما ياخدش في باله ان اللى قدامه كارهه ولا حابه دى نعمه
ونعمه كبيره جدا
بتخليكى تتعاملى بطبيعتك زى ما هيا ماتغيريش من شخصيتك

انا عايزة اوصف
عاشق نور
حلو الاسم اللى اختاره عاشق نور عارفين لو كان قال الكلمة دى فى مكان تانى غير المنتدى كنت قومت الدنيا وما قعدتهاش تانى طبعا لانى هقوله مين نور دى ماانا اسمى الحقيقى مش نور
بس هنا خلاص فهمت انه يقصدنى
اوصفه بقى وبلا مبالغة
عاشق نور او طاروقة زى مادايما بناديله

طارق هو الرجولة الكاملة متمثلة فى انسان رجل شهم جدا جدا وصاحب صاحبه اوى فوق ماتتخيلوا
تعرفوا كان فى موقف قريب انه اتصاحب على واحد من النت برضوا وعزمه عندنا هو وعيلته وكان بيسعى انه يشوف له شقة وفرصة عمل افضل من غير مايعرفه كويس رغم ان الشخص ده ماكانش محترم وده اتضح بعد كده ولما كشفناه وبقوله انت تعمله كل الخير ده وهو رجل مش كويس وحاول يعمل كذا وكذا
عارفين قالى ايه
قالى انا بعامل الرب مش العبد
ده موقف يوضح مين هو عاشق نور واخلاقياته وزوؤه وشهامته
اقول ايه تانى مش عارفه لو عايزين تسالوا انتوا اسالوا

اية دة لا انا كدة زعلان منكم انتم دخلتم فى الموضوع من غيرى

احنا مانقدرش على زعلك يا ياباشمهندس
الموضوع موضوعك واحنا ضيوف عليك
بعد الاذن يا مريم طبعا

نور الليل كتب:: احنا مانقدرش على زعلك يا ياباشمهندس
الموضوع موضوعك واحنا ضيوف عليك
بعد الاذن يا مريم طبعا

يا نور مين دولة اللى ضيوف دة انتى صاحبة مكان ابلينا كلنا

انتظرونى فى وصف سحس بوب او حازم احمد او ابو عبيد

نور الليل كتب:: انا عايزة اوصف
عاشق نور
حلو الاسم اللى اختاره عاشق نور عارفين لو كان قال الكلمة دى فى مكان تانى غير المنتدى كنت قومت الدنيا وما قعدتهاش تانى طبعا لانى هقوله مين نور دى ماانا اسمى الحقيقى مش نور
بس هنا خلاص فهمت انه يقصدنى
اوصفه بقى وبلا مبالغة
عاشق نور او طاروقة زى مادايما بناديله

طارق هو الرجولة الكاملة متمثلة فى انسان رجل شهم جدا جدا وصاحب صاحبه اوى فوق ماتتخيلوا
تعرفوا كان فى موقف قريب انه اتصاحب على واحد من النت برضوا وعزمه عندنا هو وعيلته وكان بيسعى انه يشوف له شقة وفرصة عمل افضل من غير مايعرفه كويس رغم ان الشخص ده ماكانش محترم وده اتضح بعد كده ولما كشفناه وبقوله انت تعمله كل الخير ده وهو رجل مش كويس وحاول يعمل كذا وكذا
عارفين قالى ايه
قالى انا بعامل الرب مش العبد
ده موقف يوضح مين هو عاشق نور واخلاقياته وزوؤه وشهامته
اقول ايه تانى مش عارفه لو عايزين تسالوا انتوا اسالوا

ما شاء الله عليكم يا نور ربنا يخليكوا لبعض

بس انتى ليه مقولتيش موقف كوميدى حصل معاكم

موقف كوميدى واحد
ده احنا بينا مواقف ومواقف ومعظمها كوميدى
هقولك على الموقف اللى حاضرنى دلوقتى
وانا بولد سوسو
الدكتورة قالت لسه شوية عالولادة اتمشى شوية هنا ونشوف
طارق ماصدق سمع كده راح واخدنى ونزلنا قاعدنا فى كازينو قرب المستشفى وشربنا حاجة ساقعة وقاعدين نهزر كل مااحس بتعب اقوم اقف وهو يقولى ها
اقوله خلاص راحت
ساعة كده ورجعنا المستشفى والمفاجاة
الاقى الدكتورة جامعة كل اللى فى المستشفى وبيبصوا علينا من الشباك ويقولوا حرام عليكم وحدة بتولد تسيب المستشفى وتقعد فى كازينو بنقولك اتمشى فى المستشفى ولا اتفسحى طبعا انا فضلت اضحك لحد من كتر الضحك صرخت وقولتلهم خلاص بولدددددددددددددددددددددددددددددددددددد
وجتنا الست سوسو بسبب شوية ضحك

اكيد انا هوصف حور ونور الليل كمان
ولوني شفتها مره واحد بس كاني ارعرفها من زمااااااااااااااااان
مش هينفع اتكلم علي نور الليلو عاشق نور كمان علي السريع كده
دول مش اي حد دول اخواتي ليا عوده اتكلم فيها بالتفاصيل

مهندس محمد صبحى كتب:: انتظرونى فى وصف سحس بوب او حازم احمد او ابو عبيد

ونحن فى انتظار حضرتك يا بشمهندس

نور الليل كتب:: موقف كوميدى واحد
ده احنا بينا مواقف ومواقف ومعظمها كوميدى
هقولك على الموقف اللى حاضرنى دلوقتى
وانا بولد سوسو
الدكتورة قالت لسه شوية عالولادة اتمشى شوية هنا ونشوف
طارق ماصدق سمع كده راح واخدنى ونزلنا قاعدنا فى كازينو قرب المستشفى وشربنا حاجة ساقعة وقاعدين نهزر كل مااحس بتعب اقوم اقف وهو يقولى ها
اقوله خلاص راحت
ساعة كده ورجعنا المستشفى والمفاجاة
الاقى الدكتورة جامعة كل اللى فى المستشفى وبيبصوا علينا من الشباك ويقولوا حرام عليكم وحدة بتولد تسيب المستشفى وتقعد فى كازينو بنقولك اتمشى فى المستشفى ولا اتفسحى طبعا انا فضلت اضحك لحد من كتر الضحك صرخت وقولتلهم خلاص بولدددددددددددددددددددددددددددددددددددد
وجتنا الست سوسو بسبب شوية ضحك

ههههههههههههههههههههه

والله ضحكتينى يا نور
وانا بقالى فترة ما ليش نفس انى اضحك على حاجه
ربنا يخليكوا لبعض
وفى انتظار باقى المواقف الكوميدية

همس كتب:: اكيد انا هوصف حور ونور الليل كمان
ولوني شفتها مره واحد بس كاني ارعرفها من زمااااااااااااااااان
مش هينفع اتكلم علي نور الليلو عاشق نور كمان علي السريع كده
دول مش اي حد دول اخواتي ليا عوده اتكلم فيها بالتفاصيل

ونحن فى انتظارك يا همس

وفى انتظار وصفك للشخصيات الجميله دى

ممكن يا عمتو تتكلمى عنى

بودى كتب:: ممكن يا عمتو تتكلمى عنى

طبعا يا حبى

انت تأمر وانا أنفذ على طول
أنتظروا وصفى لحبيب قلبى بودى

انا كمان مستنية اتعرف على ابنى الجميل بودى

نور الليل كتب:: انا كمان مستنية اتعرف على ابنى الجميل بودى

أوعى تندمى بعد كده انك اتعرفتى عليه ههههههههههههههه

أكلمكم شويه على الاستاذ محمود
بودى ده احلى حاجه فى البيت عندنا
البيت عندنا من غيره بيكون لا صوت له ولا حياة خاااااااااالص
محمود اتولد هنا فى البيت وعاش فيه وكلنا ارتبطنا به من صغره
يعنى زى ما بيقولوا كده اتولد على ايدينا وده فعلا حقيقه من خيالى لانى انا ومامتى كنا موجودين
فى الصاله فى شقتهم لما محمود اتولد ما تتصوروش ساعتها الفرحه كانت مش سيعنا ازاى
لانه أول ولد لنا فى البيت كان فى اطفال كتير جدا بس ده الولد اللى فيهم انا عندى محمود ابن اختى اكبر منه بسنه بس ده ابن اختى انما الاستاذ محمود ده ابن اخويا هو اللى هيشيل اسم والدى الله يرحمه وكان والدى كمان موجود لما اتولد محمود كان لسه جاى من السفر
لما اتولد محمود كان باباه عاوز يسميه رزق على أسم واحد قريبنا بس احنا رفضنا الاسم
وهو استأذن والدى انه مش هيسمى على أسمى والدى لانه اسمه هيكون صعب اوى وكله تكرار
لان اسمه ساعتها كان هيكون "سيد محمد سيد محمد السيد محمود" فقلنا خلاص نسميه محمود على أسم جدنا الكبير ومن هنا جه اختيارنا لأسم محمود
محمود ده بقى كلنا بلا استثناء كنا بنلعب به وكنا نفضل نرميه لبعض لانه الطفل الوحيد اللى اتولد فى البيت وفضل فيه لغايه دلوقتى
محمود دلوقتى ما شاء الله بقى شاب على وش جواز يالا عاوزين عروسه
هو عنده 7 سنين وشقى جدا وحنين جدا على كل الناس الكبير والصغير مهما كانوا قاسين عليه
تحس انه بيروح لهم تانى وبينسى الاسيه بسرعه ودى أكتر حاجه بضايقنى فيه
مامتى دايما تقول ان محمود ده ابنها الرابع وفعلا هو دلوعه البيت هنا
مهما جت اولاد غير مفيش غير محمود بس هو اللى فى البيت
ودى على طول مامتى تقولها لزوجات اخواتى انه مفيش غير محمود فى البيت
انا وهو عاملين زى ناقر ونقير هههههههههههههه
ازاى مش عارفه مع أن فرق السن اللى بينا 15 سنه
بس عاملين زى المولودين فوق راس بعض زى تومى وجيرى بالظبط
منقدرش نعيش من غير بعض ومش بنفترق ابدا عن بعض
لما تشوفوا خنقاتنا سوا هههههههههههه تموتوا على نفسكم من الضحك ما تتخيلوش ابدا ان ده واحد بيتخانق مع عمته عمت مين يا عم ربنا أمر بالستر ده واحد بيتخانق مع أخته اللى أصغر منه
مامتى تقولى أنى عقلى أصغر منه بس هى مش كده
انا لازم أنزل لعقله علشان نكون اصحاب ويتكلم معايا وده فعلا اللى بيحصل
مهما نتخانق مع بعض نرجع كأن شئ لم يحدث ونفضل نضحك مع بعض تانى

دى نبذة صغيرة دلوقتى وبعدين هحكى لكم على شويه مواقف